top of page

МЕН СҮЙЕТІН АТМОСФЕРА

Фото автора: TURAN UNIVERSITYTURAN UNIVERSITY


Құрметті ректор Рахман Алшановтың бастамасымен, 1992 жылы бүгінгі таңда он бес мыңнан астам жоғары білікті маман дайындап шығарған, Республикамыздағы алғашқы жекеменшік «Тұран» университеті құрылды. Әлемдік білім беру кеңістігінде бәсекеге қабілетті университет, әр тұлғаның жан-жақты дамуына кепілдік береді. Заманауилықтың иісі аңқып тұратын бұл орданың ішкі атмосферасын сөзбен айтып жеткізу мүмкін емес. Кіре берістен-ақ, сізді күзетшілер жымиып қарсы алады. Дәлізден өте, көзіңіз жап-жаңа жеделсатыға түсуі әбден мүмкін. Баспалдақтармен жоғары көтерілсеңіз, жүздеген студенттерді жолықтырасыз. Креативке толы университеттің студенттері де креативті. Үзіліс басталған тұста, би билеп, ән айтып, көңілді ойындар ойнап, уақытты қызықты өткізуге тырысады. Бір қызығы, баршасы бір үйдің баласындай. Бөліну, жат сыну сияқты оңсыз қылықтарды ұмытқалы қашан?! Әрбірінің жанарларындағы сол бір от, бейне бір оқытушыларды шабыттандыратындай.

Қай аудиторияға кірсеңіз де, еркін ойлау алаңына тап боласыз. Сізді толғандырған мәселе, өзекті ұсынысыңызбен бөлісетін болсаңыз, оқытушы мұқият тыңдап, бағыт-бағдар беруге тырысады. Кейде, лекцияның қызықты болғаны соншалық, уақыттың қалай зулап өткенін сезіне алмай қалып та жатамыз. Таным деңгейін арттыратын тапсырмалар, ізденіске жетелейді. Келесі күні семинарда таласып-тармасып сабақ айтып та аламыз. Сабақ біте салысымен барлық студенттің жүгіре жөнелетін сүйікті жері бар. Ол әрине, университет асханасы. Тіл үйіретін түрлі тағамдардың иісі мұрынды жарады. Айнадай жалтыраған тазалық, қызмет көрсетудің жоғары деңгейі, бәрі-бәрі үйлесім тапқандай. Университеттің әр бұрышы — жеке тарих. Толығырақ біліп, өз көзіңізбен көргіңіз келсе, Тұранға келіңіз. Өзіңізді танудың айқын жолын шүбәсіз Тұраннан табасыз!

Ақтолқын УТЕНОВА

Comments


Пост: Blog2_Post

©2018 by Тұранның жедел жаршылары. Proudly created with Wix.com

bottom of page