Әр жұмыр басты пенденің бала шақтан болашаққа жетелер асқақ армандары бар. Сол балалық шақтағы арман өмірге құштарлығымызды оятары сөзсіз. Меніңше,сол арман деп отырғанымыз қызығушылықтың арқасында пайда болады.Біз шыр етіп дүние есігін ашқаннан бастап, өз қызығушылықтарымызға орай өз жолымызды қалыптастыра бастаймыз.Менің қызығушылығымның арқасында мен үлкен жетістікке қол жеткіздім.Бұл жетістік менің оқу орным – Тұран. Мұндай жетістікке қол жеткізе алмай жүргендер қаншама?
Бір жыл бұрын Тұранның төрт жылдық ректорлық грантын жеңіп алғанда , өзіме деген сенімім арта түскендей болды. Біріншіден, Тұран мен сияқты алматылық жігіт мінезінің ұяң жақтарын аша түсті.Мен журналистикаға түсіп,ойымды ашық,қымсынбай айта алатын дәрежеге жеттім,зердемнің өрісін біраз кеңейттім,дүниеге басқаша көзбен қарай бастадым.
Тарихын 1992 жылы қалаған Тұран, жылдар өте тұғыры биік, еліміздің еңселі оқу орындарының біріне айналды.Тұран бүгінде нағыз білім бәйгесінің тұлпарларын тәрбиелеп, білім нәрімен қаншама студентті сусындатуда.Мұнда сенің ректорлық грантыңның тағдыры өз қолыңда. Сессия кезінде сүрінбеу үшін оқуға немқұрайлылық танытпау - сенің Тұрандағы басты міндетің.Тұранда тек еліміздің емес шекара асып келген Қытайдың да,мұхит асқан американдық студенттер де білім тәжірибелерімен алмасуда.Оларға сондай-ақ студенттер үйінен де бөлмелер беріліп,қазақтың қанына сіңген қонақжайлылықты танытудамыз.
Оқу қабырғасында жүріп әр студент өзінің өзі білмейтін ,ұйқыдағы қырларын оята бастайды екен.Тұранда студенттер өздерін түрлі қырынан танытып,өзінің жанына жақын бағытта студенттік ұйымдар ашуға мүмкіндік алды.Бір студенттер шет тілін жетік білу парыз заманда «Enjoy» секілді тіл меңгеру ұйымдарын ашты.Осындай ұйымдардың көмегімен, тіл үйренудің сапасын арттырып ,Тұранның қос дипломдық жүйесімен мұхит асам десеңіз де өз қалауыңыз. Ал,біреулері кәсіпкерлік дағдыны қалыптастыруды қолға алып, кәсіпкерлік ұйымдарын құрып та үлгерген.Кәсіпкерлік демекші, бірінші курстағы ең өзекті пәндердің бірі,осы кәсіпкерлікке кіріспені ерекше атап өткім келеді.Қазіргі күні еліміздегі әр азаматтың бойындағы кәсіпкерлік дағдыларын дамытудың маңызы зор. Себебі,мемлекеттің өзі әр кәсіптің керегесін кеңейту үшін жақсы қолдау танытуда.
Тұранда студенттер тек білім мен ізденіс жолында ғана жүрмейді,студенттер үшін «Тау-Тұран» демалыс орнына барып,сергіп,бой жазып қайтуға да жағдай жасалған.Университеттің белсенді студенттерімен жыл сайынғы ректормен кездесу де біздің Тұранда.Осыдан – ақ, ректорымыздың қарапайым , жаны жайсың адам екенін аңғаруымызға болатын сияқты.
Бүгінгі таңда Тұранның түлектері өздерін дәлелдеу үстінде.Олар кәсіптің де , саясаттың да салмағын көтеріп жүр.Солардың бірі – Ғалымжан Абдраимов.Ол 2016 жылы Тұранды «заңгер» мамандығы бойынша бітіріп,бірталай жауапты қызметтерді атқарды.2015-2017 жылдары менің туған өлкем - Алматы облысы әкімінің орынбасары болса, 2017 -2018 жылдары Жамбыл облысы әкімінің орынбасары болды. 2018 жылы тарихы терең Тараздың әкімі болумен шектелмей , 2019 жылдан бастап Талдықорғанның әкімі қызметі де сол кісіге бұйырды.Сондай - ақ, Тұранды 2002 жылы «құқықтану» мамандығы бойынша бітірген Есжан Амантайұлының да қызмет жолдары ауыз толтырып айтарлықтай.Қазіргі атқаратын қызметі – ҚР- сы Ұлттық Банкінің орынбасары.Бұл кісілерді не үшін жазып отырмын?Әрине, әр оқу орны өз түлектерімен мақтанары айтпаса да түсінікті.Осы тұлғалардай, біз де еліміздің өркендеуіне үлес қосатын болсақ, ол жетістік - менің емес, ең бірінші, Тұранның жетістігі болар еді.
Диас Муханбек
Comentários