"Пікірсайыс алдымен сені өзгертеді, кейіннен сен әлемді өзгертесің немесе әлемнің өзгергенін байқайсың"
Қыркүйек айының 25-жұлдызында, Тұран университетінің "Sirius" Интеллектуалды пікірсайыс клубының ұйымдастыруымен «Тұран» лицейінде пікірсайыс ұйымын ашқан болатынбыз. Осы клубтың Президенті ретінде, Қазақстандағы әрбір өсіп келе жатқан жас балалардың барлығы осы іспен айналысса екен деген арманым бар. Себебі пікірсайыс сенің ораторлық қасиеттеріңді, ой-өсіріңді, логикалық ойлау қабілеттеріңді дамытып қана қоймай, жаныңа жылу сыйлар жақын жандарды да кездестіруге мүмкіндік беретін ұйымдардың бірі.
Университетіміздің 2-4 курс студенттері, клуб жайында өз пікірлерімен бөлісіп, қызметтерін түсіндіріп өтті. Презентациямен қоса, оқушылар үшін көрсетілім ойыны ұйымдастырылған болатын. Әрбір оқушы қызығушылықпен тыңдап, кейіннен өздерінің құнды ойларын білдірді. Бұл ұйым қазақ, орыс және ағылшын тілдерін қамтиды. Сонымен қатар мектеп оқушыларын Республикалық және Халықаралық турнирлерге дайындау, пікірсайыска үйрету мәселелерін, көпшілік алдында сөйлеу өнерін "Sirius" Интеллектуалды Пікірсайыс клубы мүшелері үйрететін болады. «Тұран» лицейінің мектеп лигасына сәттілік тілеп, талай асуларды бағындыруына тілектеспіз!
Жібек ӨТЕП
Comentarios