Қазіргі қазақ журналистика саласындағы экономика, қаржы, бизнес жұмыстары талқыланатын іскерлік журналистика жайлы не білесің? Іскерлік журналистика деген не? Дәл осы сұрақтар төңірегінде қазанның 5 жұлдызында университетіміздің оқытушысы Құрманбаева Алма апайымыздың ұйымдастыруымен белгілі іскер маманы, блогер Ербол Азанбекпен «Тұран» университетінде болашақ журналистика мамандыңының студенттерімен кездесу өтті.
Қазірде қоғам белсендісі, Каспий банк АҚ баспасөз хатшысы, белгілі іскер блогер бола білген Ербол Азанбек Іскерлік журналистиканың қыр-сырын студенттермен таныстырды. Тіпті басынан өткен оқиғаларымен, қазіргі жеткен жетістіктерінің баспалдақтарымен бөлісті. Кездесу барысында ол өзінің іске асырып жатқан жобаларының бірі «іскерлік журналистика мектебі» туралы таныстырып, біраз ақпарат берді. Жас студенттердің назарын аудартқан бұл мектеп ақысыз түрде бизнес, экономика, қаржы саласы бойынша білім береді. Сонымен қатар 2015 жылдан бастап жұмыс істеп келе жатқан «Жеті күн» атты жеке саитына іскерлік мектеп түлектерін жұмысқа орналастыратынын айтып өтті.
Ербол Азанбек «Тұран» университетіне тек кездесуге ғана келмей, жақында ғана жарық көрген кітабымен таныстырды. Қазақ тіліндегі ең алғашқы кітап «іскерлік журналистика» саласындағы барлық сұрақтарға жауап берді. 7 автор бірігіп жазған бұл кітапта кәсіби мамандардың бірнеше мақалалары бар. Бұл кітапта олар осы тақырыптар бойынша өздерінің тәжірибелерімен бөлісіп өткен. 1000 дана болып шыққан кітап оқу орындар кітапханаларына, студенттерге, редакцияларға және журналистерге тегін таратылған екен. Тіпті, таныстыру барысында біздің де университет кітапханасына 30 шақты кітабын сыйға тартты. Кездесу мен кітап маңыздылығын жақсы жеткізе білген Ербол Азанбек аудитория көңілінен жол таба білді.
Құралай ЖАНДАРБЕК
«Тұран» университеті, 3 курс студенті
Comments